ITO AY PARA SA'YO PART II

Siguro natutuwa ka ngayon
Kasi may tula na naman ako para sa'yo
Nak ng! Huwag kang matuwa
Ramdamin mo ang bawat salita
Bawat sakit ng letra
Huwag kang ngumiti
Huwag mong ipagmalaki

Huwag mong ipagmalaki na baliw na baliw ako sa'yo
Huwag mong ipagmalaki na ikaw na naman ang laman nito
Na tungkol na naman sa'yo ito
Pero sige, para matuwa ka
Sige, para sa'yo ito
Sisimulan ko na, ha?

Akalain mong ikaw na naman?
Pang-ilan na ba 'to?
Taragis, 'di ko na mabilang
E paano ba naman kasi
Hindi ko na rin mabilang yung sakit
Sakit na dinulot mo

Akalain mong umiyak ako?
Umiyak ako buong gabi
O, huwag mong sasabihing ikaw din
Huwag kang gaya-gaya, kapal mo
Ako, ako ang iniwan
Ang selfish pero oo, ako
Ako, ako, ako

Akalain mong hindi pa rin kita makalimutan?
Ilang linggo na ah?
Ikaw pa rin?
Pag minamalas nga naman oh!

Sinaktan mo ako
Iniwan
Sinukuan

Ginusto kitang intindihin
Ginusto kitang makilala
Pero wala e
Umalis ka kaagad

Pero ayos lang
Sakto lang
Sanay na

Salamat

PAGTALIKOD

Kapag nakasakit ka ng tao
Huwag mong sabihin na wala kang kwenta
Wala kang kwenta kaya nakakasakit ka
Huwag, huwag ganun
Lugi naman

Kapag nakasakit ka
Humingi ka ng tawad
Patawad kasi nasaktan mo
Patawad kasi dinamay mo
Dinamay mo sa pagiging walang kwenta mo

Ayan tuloy
Pakiramdam niya
Wala na rin siyang kwenta
Pakiramdam niya
Patapon na siya

E paano, tinapon mo
Pinakawalan mo
Pinatangay mo

Pero baka mabuti na rin yun
Mas masarap ang makawala
Ang mawalay
Mawalay sa taong hindi ka pinapahalagahan
Sa taong gusto ka kasi pinapasaya mo siya
Sa taong mahal ka kasi ikaw na lang ang nagmamahal sa kanya


Ganoon talaga siguro kapag nakakasakit ka
Humihingi ka talaga ng tawad
Pero kasabay ng paghingi nito
Ay ang pagtalikod mo
Sa mga pangako na iyong binuo

ITO AY PARA SA'YO PART I

Ginawan kita ng tula
Hindi para magpa-cute
Hindi para ipakita sa'yo na magaling ako
Kundi para iparamdam sa'yo
Na tapos na
Na wala na
Na nasaktan mo na

Ilang beses mo nang sinabi ang katagang "I miss you"
Ilang beses mo na akong nasabihan ng "I love you"
Ilang beses mo nang binitawan ang mga salitang "Akin ka lang"
Naniwala ako sa lahat ng iyon
Naniwala ako na pwede
Naniwala ako sa baka
Naniwala ako sa sana

"Huwag na muna" sabi mo
"Ititigil niya na?" sabi ko sa sarili ko
Masakit
Kumirot
Nakakaiyak
Pakiramdam ko tumigil yung mundo ko
Bumilis ang tibok ng puso ko
Naluha ang mga mata ko
Kaya "sige" lang ang nasabi ko

Salamat sa mumunting sakit
Salamat sa malamig na yakap
Salamat sa mga hilaw na pangako

Ginawan kita ng tula
Hindi para magpa-cute
Hindi para ipakita sa'yo na magaling ako
Kundi para iparamdam sa'yo
Na tapos na
Na wala na
Na nasaktan mo na

IKAW

rebloggy.com

Siya.
Siya ba?
Alam ba niya?

Alam ba niya na ayaw mo ng pinya sa pizza?
Alam ba niya na hindi ka naniniwala sa third eye?
Alam ba niya na hindi ka natatawa sa knock knock jokes?
Siya, alam ba niya?

Alam ba niya na mahilig ka sa Yakult?
Alam ba niya na Santolan ang favorite station mo?
Alam ba niya na GMRC ang favorite subject mo?
Siya, alam ba niya?

Alam ba niya na nasaktan ako nang lumisan ka?
Alam ba niya na para sumaya siya, kinailangan mo akong limutin?
Alam ba niya na ang dahilan ng pagluha ko ngayon ay ikaw?
Ikaw, alam mo ba?

Alam ba niya na habang hawak niya ang mga kamay mo
Ay hawak ko naman ang puso kong durog
Na dahan-dahan kong binubuo
Ikaw, alam mo ba?

Alam ba niya na sa bawat yakap mo
Ay siya namang patuloy na panlalamig ng puso ko?
Ikaw, alam mo ba?

Ikaw, ikaw pa ba?
Oo, ikaw pa.
Alam mo ba?